Вялікая сталася ў свеце прыгода
Пад сталінскім сцягам удалым:
Заззяла ўрачыста свята народаў,
Якога ў вяках не бывала.
Ад песень ад гулкіх плывуць адгалоскі
Па шумных дубровах і нівах,
Да сонца выходзяць шчаслівыя вёскі,
Наперадзе — горад шчаслівы.
Народ беларускі, таптаны вякамі,
Навекі пабратаўся з шчасцем,
Радзіму-краіну ўпрыгожыў садамі
Варожыя знішчыў напасці.
На выбары выйшлі. Пшаніца і жыта
Калышуць свой колас у колас.
І кожнаму хочацца яўна і скрыта
Аддаць свой за Сталіна голас.
Партрэт Варашылава ўбралі дзяўчаты
Ў чырвоныя кветкі-вяснянкі.
Свабодныя людзі! Вялікае свята!
Як хочацца жыць безустанку!
1938