epub
 
Падключыць
слоўнікі

Янка Купала

Нібы эпіграмы

Якубу Коласу
Валодзю Хадыку


Якубу Коласу

Шкадую, дружа Колас,

Што тут цябе няма,—

Ясней свяціла б сонца

Цяплей была б зіма.

 

Складалі б разам песні

Аб радаснай вясне,

Аб шчасці варажылі б

На іскрыстым віне.

 

Дзве тысяч кіламетраў

Сягоння дзеліць нас...

Але што значаць вольным

Адлегласці і час!

 

 

Валодзю Хадыку

Хадыка хадыкае,

Дыбае,

Сто вершаў задумністых

Выбаіў.

 

Мой мілы, мой добры Валодзя!

Па-мойму, во гэтак здаецца:

«Задумністых», можа, ўжо годзе,

А болей — ад сэрца, ад сэрца...

 

1934




Беларуская Палічка: http://knihi.com