epub
 
Падключыць
слоўнікі

Янка Купала

Не дайце згінуць...

Не дайце згінуць песняру

Ў нязнанні, ў беднасці, ў глушы,

Стварыце радасці зару,

Зганіце сум з яго душы,—

Не дайце згінуць песняру.

Ён так цярпіць за крыўды ўсе,

Ён пеці выйшаў у пару,

Вам толькі слухаць, што пяе,

Не дайце згінуць песняру.

Аб вашай долі ў свету даль

Скіруе струн сваіх ігру,

Вы ж толькі за ўсе песні, жаль,

Не дайце згінуць песняру.

 

1907




Беларуская Палічка: http://knihi.com