epub
 
падключыць
слоўнікі

Янка Купала

Ночка

Лягла туманом

Ночка на дварэ,

Зваяванай сном

Зямлі гоман мрэ.

 

Пусткаю аднэй

Поле, сенажаць,—

Не відаць людзей,

Песень не чуваць...

 

Пад ляском начлег

Распаліў агонь;

Заяц перабег,

Путам бразнуў конь.

 

Чуй! трывожыць сны,

Хвілі забыцця,

Совы, кажаны

Лезуць з укрыцця.

 

Недалёкі бор

Абярнуўся ў шум;

Цёмен, глух прастор,

Жудак, повен дум;

 

Повен ценяў, мар...

Штось трасе душой,—

Нейкі страх і чар

Ноч нясе з сабой.

 

[1906-1910]


[1906-1910]

Тэкст падаецца паводле выдання: Поўны збор твораў. У 9 т. - Т. 2. Вершы, пераклады 1908-1910. - Мн.: Маст. літ., 1996. -342 с. [4] л. іл.
Крыніца: скан