Пакіньце думаць аб слаўным мінулым,
Сваёю думкай яго не ўскрасіце;
І хоць аддаць паспрабуеце жыцце -
Мінуласць знікла для вас, прамільгнула.
І прышласць вашая ў мгле патанула,
Не свеціць шчасцем на дальнім блакіце;
Сумненне скоўвае, што ні чыніце,
І ў сэрцы нішчыць надзею знячула.
Адкіньце ж познія жалі і мрою,
Хоць сэрца ные, не мае патолі,
Любіце прышласці яснасць душою,
Паддайцеся шчыра лёсаў сваволі,
Сцяліце працаю ціхай сваёю
Шляхі да прышлай праменістай долі.
1906