epub
 
Падключыць
слоўнікі

Янка Купала

Памаліся

Памаліся, старча,

За дабро, за збожжа,

Што сяўцоў сабою

Пракарміць не можа.

 

Памаліся, старча,

За жывёлку-статак,

Што ідзе, рыкае

Каля дымных хатак.

 

Памаліся, старча,

За людзей, за нелюдзь,

Што ляглі, заснулі,

Што жывуць і дрэмлюць.

 

Памаліся, старча,

І за край свой родны,

Што гадкі кароце

Ў сіверах нязводных.

...........................

Памаліся, старча!

 

1909




Беларуская Палічка: http://knihi.com