epub
 
Падключыць
слоўнікі

Янка Купала

Паўстаў народ

Паўстаў народ мой беларускі гераічны,

Дзяды, унукі, ўнучкі — усе паўсталі

На вечавы кліч, кліч бадзёры і вялічны,

Які нам кінуў правадыр наш родны Сталін.

 

І гітлераўскім бандам, фашыстоўскім крывапійцам

Нядоўга катаваць народ ні ў чым не вінны,—

Ён перарэжа горла людаеду, ўбіўцу,

Ён Гітлера павесіць на сухой асіне.

 

Паўстаў народ, як і ў мінулых ён стагоддзях,

За волю, за зямлю, супроць сатрапаў азвярэлых.

Шчаслівых перамог, свабодны мой народзе!

Шчаслівай долі на загонах тваіх родных, спелых!

 

Хай хлеба нашага кусок распаленым жалезам

Абернецца у ворагавым горле крывасмочым,

Вада з крыніц жывых хай зверам-людарэзам

Атрутай будзе і сляпіць крывавыя іх вочы.

 

Знай, на чале народ вялікі рускі ў зброі

Ідзе на ворага з мільёнамі народаў,

Таварыш Сталін знача шлях да перамог у боі,

Да перамогі над фашысцкай збэшчанай пародай.

 

Паўстаў народ, як і ў мінулых ён стагоддзях,

За волю, за зямлю, супроць сатрапаў азвярэлых,

Шчаслівых перамог, свабодны мой народзе!

Шчаслівай долі на загонах тваіх родных, спелых!

 

[1941]




Беларуская Палічка: http://knihi.com