epub
 
Падключыць
слоўнікі

Янка Купала

Песня

Гнаны Янка доляй,

Змушаны патрэбай

Цягне ў места дровы,

Каб купіці хлеба.

 

А дзе кісне пуня

Панская старая,

Прэцца Янукова

Жонка маладая.

 

П’е мужык на рынку

Барышы за дровы,

А паніч гуляе

З жонкай мужыковай.

 

Накупіў за дровы

Янка хлеба, солі

І вясло баранкаў

Для сваёй Антолі.

 

І гасцінцам дома

Жонку ён частуе,

Паніча з палаца

У руку цалуе.

 

[1922]




Беларуская Палічка: http://knihi.com