epub
 
падключыць
слоўнікі

Янка Купала

Расійскія чыгункі

Кожны ведае ў Расіі,

Што, як вол прыплоду,—

Так расійскія чыгункі

Не даюць даходу.

 

І мазгі «чыны» ўсё сушаць

Над такой праявай,

Ды ніяк не ўцямяць праўды,

Ў чым схавана справа.

 

А рэч проста: катастрофы

Зводзяць гаспадарку;

Бо які ж паедзе дурань

На зламанне карку?!

 

1913


1913

Тэкст падаецца паводле выдання: Поўны збор твораў. У 9 т. - Т. 3. Вершы, пераклады 1911-1914. - Мн.: Маст. літ., 1997. -342 с. [4] л. іл.
Крыніца: скан