epub
 
Падключыць
слоўнікі

Янка Купала

Шарада № 2

Эх, памыйся, мой дружок,

Мылам ды вадою,

А так складна, як у нас

Першае-другое.

 

А калі ты ўжо другі

І чацвёрты ўдаўся,

Вось чаго замест бліна

Ты дапамінайся.

 

Гамані: давайце мне

Чацвёртае з раду

І трэцяга побач з ім,

Бо не будзе складу.

 

Ну, а ўсё — кругом цябе,

І ты з імі разам,

Ажно цешыцца душа

Адным гэтым сказам.

[1914]




Беларуская Палічка: http://knihi.com