epub
 
Падключыць
слоўнікі

Янка Купала

Шарада № 4

Першы — муж вучоны, важны;

Носіць чын такі не кажны,

Хоць папросту на наш лік

Ён не больш, як чараўнік.

 

Наша трэцяя-другая

Будзе нейкая такая:

Знала рэчкі берагі

І паганскія багі.

 

Ну, а трэцяя з чацвёртай

Рэчка ў дальню даль запёрта,

Слаўна золатам для нас

І крывёй ў вапошні час.

 

А уся — жаноча імя,

Кожны знойдзе між святымі.

Далей буду ўжо маўчаць,

Бо й так можна адгадаць.

 

[1914]




Беларуская Палічка: http://knihi.com