За лясы шумлівыя,
За лугі зялёныя,
Слава табе, Армія,
Армія Чырвоная!
З-пад няволі панскае
Беларусь Заходнюю
Вывела ты, Армія,
На шляхі свабодныя.
Свята з намі святкуюць
З ласкаю жычліваю
Браты нашы з Захаду,
Вольныя, шчаслівыя.
З думкай пераможнаю,
Урачыста важная,
Ў госці да нас сходзіцца
Грамада сярмяжная.
За лясы шумлівыя,
За лугі зялёныя
Слава табе, Армія,
Армія Чырвоная!
1939