epub
 
Падключыць
слоўнікі

Янка Купала

Тры арліцы

Лётчыцам самалёта «Родына»

Ой, далёка заляцелі

Гордыя арліцы!

Даляцелі, палі-селі

Ў славе на зямліцы.

 

Тры арліцы-чараўніцы

Свет зачаравалі

І дадому, з свята быццам,

Вяртаюцца ў хвале.

 

А ляцець было нялёгка,—

Груган чорны пасвіў.

Шлях нязведаны шырока

Небяспекай слаўся.

 

Там — пад імі — нетры, пушчы,

Багнішчы, імшары,

А над імі — чорнай гушчай

Воблакі і хмары.

 

Ды адважных не спужалі

Ні груган, ні ночка,—

Паляцелі вышай, далей

Савецкія дочкі.

 

Цераз віхры, навальніцы,

У глухіх прасторах,

Шляхі значылі арліцам

Крамлёўскія зоры.

 

Ох, арліцы, добра лётаць

Сцежкамі такімі,

Дзе ляціць з тваім палётам

Сталінскае імя!

1938




Беларуская Палічка: http://knihi.com