epub
 
Падключыць
слоўнікі

Янка Купала

"Вяртаюцца з выраю жоравы, гусі..."

* * *

Вяртаюцца з выраю жоравы, гусі

Да збураных гнёзд на палях Беларусі;

 

Як «бежанцы» тыя, ганяны тугою,

Да роднага краю плывуць чарадою.

 

А думцы маркотна, а думка не бачыць,

Як птушка і тая айчынай маячыць.

 

Мкне з выраю птушка, а думка у вырай

Ляцела б, ляцела, а шчыра, так шчыра!

 

1921




Беларуская Палічка: http://knihi.com