epub
 
Падключыць
слоўнікі

Янка Купала

Замчышча

Спавіты няпамяці мглою

Руіны замчышча ляжаць;

Муры зарасліся лазою,

Навокал балотная гаць.

 

Людской не пачуеш гамонкі,

Не стукне там конь капытом,

Скрозь вее магільнай палонкай,

Жах кожным ківае кустом.

 

Адно часам птах заблуканы

Залыпае крыллем на ўмор,

Ды выгнаны звер на паляны

Выццём закалыша прастор.

 

1908




Беларуская Палічка: http://knihi.com