Чорная Афрыка рвецца з няволі,
Годзе ёй здзекаў і горкай нягоды.
Путы зрывае, бо шчыра, да болю
Хоча свабоды!
Хоча свабоды!
Множыць свабоднага краю багацце,
Крокам магутным да радасці крочыць,
Стаць аб’яднаннем сялян і рабочых —
Афрыкай шчасця!
Афрыкай шчасця!
Скінуць цяжар чужаніцкіх кайданаў
Хоча народ — не стрымаць гэтай лавы!
Ім, іхнім дзецям — маіс і бананы!
Афрыка славы!
Афрыка славы!
Выюць захопнікі. Воля народаў
Стала, як сталь. Ім яна непакорна!
Гоніць іх сіла вялікай свабоды
З Афрыкі чорнай!
З Афрыкі чорнай!
1962 г.