Прыйшла яна на свята,
Прыбраная багата —
У срэбра кос сівых,
У зморшчак мільёны,
А зрок, слязьмі замглёны,
Акрэсліў зломы іх.
На чорным плацці ззялі
Бліскучыя медалі.
Іх многа, вельмі многа,
Бадай, як у нікога:
Сыноў у маці мілых
Траіх вайна скасіла,
Муж — не вярнуўся ў дом...
Узнагароды — маці —
За форменнай пячаццю,
Ўручыў наш ваенком.
Хто боль утраты зведаў,
Той зразумеў да дна
Праплаканыя вочы,
Цану маршчын шматследных
Што прынясла вайна.
1959 г.