Хто сказаў, што старасць надышла?
Хто сказаў, што пасівелі скроні?
Гэта замець на дварэ мяла,
Пабяліла галаву мне сёння.
Во, глядзіце, моцна страхану,
Ападзе налёт пушысты, белы...
Засмяюся, песню зацягну
І у круг ваш юны ўстану смела!
Грай гармонік! Пойдзем танцаваць!
Іскры хай выкросваюць падкоўкі...
Хто прыпеўкі ўмее падпяваць?
Хто з вас самы малады і лоўкі?
Не адстану!
Сіла, звонкасць ёсць!
Жыць хачу — каб кроў кіпела ў жылах!
Хай квітнее вечна маладосць!
Старасць... Заглыні яе магіла!
1965