БЕЛАРУСКАЯ ПАЛІЧКА

Канстанцыя Буйла

«Я хацела б прарасці сасной...»

Я хацела б прарасці сасной,

Хай бы ветры пелі нада мной.

Пры жыцці любіла я сасну,

Як сястру душы маёй прачулай,

І калі навекі я засну,

Я хачу, каб кожную вясну

Спеў жывы я на світанку чула.

1966

1966

---

Тэкст падаецца паводле выдання: Буйла К. ...Коціцца рэха: Вершы, паэма, лісты / Уклад. і прадмова Д.Чаркасавай.- Мн.: Маст. літ., 1993. - 287 с. [4] л. іл.
Крыніца: скан