Я помню перамогі свята,
Вясны ачараванай дні.
Сцягоў —- ад радасці крылатых,
Салютаў гулкія раскаты,
Ракет вясёлкавых агні...
Як радасна мы йшлі да працы!
Блакітам неба расцвіло...
Нам рупіла хутчэй падняцца,
Каб стала лепей, як было.
Мы таймавалі боль і раны,
Мы выйшлі на работу ўсе.
Каб адрадзіўся край каханы,
Навалай горкай зруйнаваны,
Каб зноў устаў ва ўсёй красе.
І вось, не знойдзеш папялішчаў,
І друзу больш даўно няма!
І гарады і гарадзішчы
Стаяць!
Мо іх фашыст не нішчыў?..
Не. Іх наш народ нанова ўзняў!
1960 г.