Юнак прыгожы, малады
Спяшае з кнігамі кудысьці,
А на шырокія сляды
З дрэў восень асыпае лісце.
Аб чым ён думае цяпер?
Якімі планамі заняты?
Прад ім ляжыць жыцця бязмер,
Адкрыццем радасным багаты.
Такой энергіі запас!
Такая неабдымнасць ведаў!
Як шчасна расквітнеў твой час
На ніве гераічных дзедаў.
Пара запальваць свой маяк,
Каб новы след удаль пракласці,
Дзе змена пойдзе ўжо твая
З бацькоўскай эстафетай шчасця.
1964 г.