БЕЛАРУСКАЯ ПАЛІЧКА

Канстанцыя Буйла

«Карэннем прырастае чалавек...»

Карэннем прырастае чалавек

Паўсюль, куды яго ні кіне доля.

Сабе ён падначаліць наваколле,

Сябрамі абрастае — і жыве.

А толькі ў сэрцы, думах, галаве,

Як подых жыццядайнага Гальфстрыма,

Навек у ім жыве яго Радзіма

Так, як душа яго у ім жыве.

1965

1965

---

Тэкст падаецца паводле выдання: Буйла К. ...Коціцца рэха: Вершы, паэма, лісты / Уклад. і прадмова Д.Чаркасавай.- Мн.: Маст. літ., 1993. - 287 с. [4] л. іл.
Крыніца: скан