Кожны дзень — як паток, што спадае з гары,
Ад сняжыстых вяршынь — да ушчэльнага мроку...
Дык жыві весялей — покуль ты не стары,
Покуль старасць яшчэ — за гарамі, далёка...
Не таймуй сваёй сілы, ні ўзлётнай душы!
Не шкадуй намаганняў, каб жыць на «выдатна».
Светач праўды ўзнімай! А ўсё злое — крышы!
Між савецкіх людзей будзь да добрага здатны.
Чалавекам быць — гэта не проста, браты,
Праўда Леніна вучыць нас быць чалавекам...
Дык не ў норы паўзці — як сляпыя краты,
А — нясці ў сабе сонца, як горныя рэкі.
1965 г.