БЕЛАРУСКАЯ ПАЛІЧКА

Канстанцыя Буйла

«Не, ты не вечны, чалавек!..»

Не, ты не вечны, чалавек!

І у цябе не многа часу.

Дык думак добрыя запасы

У доўгі не кладзі засек.

Сей добрае! Няхай узыдзе шчыра...

Усё дай людзям, што ты маеш сам!

Бо ўсё, што захаваеш там,

Змарнее, як у сцюжу пырай.

1970

1968; 1970

---

Тэкст падаецца паводле выдання: Буйла К. ...Коціцца рэха: Вершы, паэма, лісты / Уклад. і прадмова Д.Чаркасавай.- Мн.: Маст. літ., 1993. - 287 с. [4] л. іл.
Крыніца: скан