Не трэба слоў хвалебных, пустазвонных,
Ён пры жыцці іх вельмі не любіў,
Больш спраў выдатных, працы больш натхнёнай,
Больш хлеба з нашых пладародных ніў.
Больш ясных дум і позіркаў адкрытых, шчырых,
Хай ён у сэрцы кожнага жыве,
Яго ідэя хай вядзе людзей,—
І ўся зямля спазнае шчасце міру.
Пазнае, што ён на зямлю прынёс,
Які бясцэнны дар аддаў ён свету,
І ўздыхне з палёгкаю планета,
І абатрэ свой твар ад горкіх слёз.
1970 г.