У нашай памяці жыве
Год сорак першы, год крывавы.
Час, як рака, плыве, плыве,
Ды не зацьміць ён яркай славы
Тых, што услалі край сабой,
Каб адстаяць жыццё, свабоду,
Радзіму, шчасце і любоў
І ўсё, што дорага народу.
Мы помнім мёртвых і жывых,
Як помняць сына, бацьку, брата...
Пад шумы шоўкавай травы
Спяць нашы смелыя арляты
І нашы гордыя арлы...
За нас іх палягло так многа!
Яны нам выжыць памаглі.
І не забудзем мы нікога.
А сэрца прагне аднаго:
Каб вечны мір нам ззяў заўсёды...
Гасіце войнаў злы агонь!
За мір змагайцеся, народы!
1965 г.