Любіць старых...
Ці ёсць за што?
Скажы, мой сын, хлапчук мой юны,
Вось ты ўжо увайсці гатоў
У светазорны дзень Камуны...
А гэты ж дзень не сам прыйшоў,
Мы да яго шляхі масцілі,
Не раз тут пралівалі кроў
І потам густа іх расілі.
Мы тут без часу паляглі
Ад куль варожых у магілы,
Каб шчасце роднае зямлі
Квітнела вечна з новай сілай.
Дык калі з галавой сівой
К табе стары падыдзе ціха,
Ты не спяшай, ты з ім пастой
І не жадай старому ліха.
1969 г.