Слава рабочым рукам,
Слава народу!
Слаўся ў вяках,
Слаўся ў вяках,
Творчая сіла свабоды!
Семдзесят трэці ідзе —
Уладныя крокі кладзе
У нас ад сахі — да ракеты!
Брацця! Браты! —
Вось я — і ты,
Мы памятаем пра гэта.
Калі б не спынялі нас войны
Мы б і на Марсе маглі
Быць з наваселлем!
І на другія планеты
Нас бы данеслі ракеты.
Родны народ, слава табе!
Семдзесят трэці ідзе
У барацьбе,
У гордым, натхнёным палёце,
У нечуванай рабоце.
Нікому нас не дагнаць!
Узнёсласць мастацтва.
Творчасць рабочых рук.
Дружба і брацтва.
Дзе? Ну скажыце мне, дзе
Радасць жыцця так цвіце?
Семдзесят трэці ідзе.
Шчасце высокае мы
Узялі ў змаганні.
З старое Расіі —
Горкай народаў турмы —
СССР вывелі мы
У вечнае радасці ззянне!
Вось як было,
Як ёсць,
Як будзе.
У нас расцвіла маладосць,
У волатаў выраслі людзі!
1972 г.