Ткачыха ходзіць ля станкоў,
Гудуць маторамі машыны.
Тканіны з іх плывуць ракой,
Плывуць дабротныя тканіны.
Вось шоўк чырвоны. Будзе сцяг,
На ім — выносны герб Радзімы
Ў пшанічных спелых каласах
І вобраз Леніна любімы.
А вось і для сукенак шоўк —
Зялёны, жоўты, белы, сіні.
Тут і аснова, і уток
Спляліся ў дзіўную тканіну.
Ткачыха ходзіць ля станкоў
І больш як можна выткаць хоча,
Бо сёння трэба шмат шаўкоў
Сялянам нашым і рабочым.
1959 г.