Прыйшла ты да мяне ў паўночны ціхі час,
Прысела на маёй раскіданай пасцелі,
І сон мой адляцеў кудысь далёка ўраз,
І мары светлыя кудысьці адляцелі,
І былі мы з табой ў паўночны ціхі час...
І ўраз зайшлася я ў галубленнях тваіх,
Ты абвіла мяне гарачымі рукамі,
Палючых вусн агонь лёг на грудзях маіх,
А ў вочы мне сваймі панурымі вачамі
Ўпілася ты, і мёрла з мук ў абдымках я тваіх...
1914