Да працы, да светлай вялікай работы,
З абломкаў, руінаў тварыць новы дом!
Гэй, ўсе, ў каго сіла, уменне, ахвота,
Працуйце! Як шчыра, як светла у ём
Заблісне жыццё пажаданае долі,
Знаёмае сэрцу у мараў цішы...
Там дух ажыве, і прабудзіцца воля,
І моц засвітае знямелай душы.
Гэй, ўсе да работы!
Ты, сэрцам збалелы,
Ты, страціўшы веру, без моцы і сіл,
З разбітай надзеяй, з душой абамлелай,
Што ценем стаіш каля родных магіл!
Краніцеся светлай вялікай ідэі...
І з намі жывымі, гэй, гэй, працаваць!
І сіла ўваскрэсне, ўваскрэсне надзея —
Век жыць! Крэпка верыць!
Тварыць і кахаць!
1914