Ты мне адкрыла шырокія далі,
Далі шырокія ты мне адкрыла!
Зор пяцікутных мне промні
заззялі,
Сцягам сваім ты мяне атуліла.
Гордай была ты!
Мужнай была ты!
У горы вялікім была ты
нязломнай...
Год сорак пяты быў шчасцем
крылаты
І перамогай тваёй векапомны.
Кожнаю жылкай з табою навекі
Звязана моцна,— твая назаўсёды,
Покуль не сплюшчу ў сне вечным павекі,
Жыць для цябе — вось душы асалода!
Кожнаю думкай і мараю кожнай
Жыць для цябе — сэрца вернага стукам,—
Ўсё, што я маю, што даць табе можна,
Ўсё для цябе — светлай, мужнай і чыстай.
Так з ручайкоў нараджаюцца рэкі,
Рэкі нясуць свае воды у мора,
Моц твая ўся — у руках чалавека,
Моц чалавека — радзімы
прасторы...
Ленінскай воляю мудрай узнята,
Светач надзеі для цэлай планеты.
Ўзносіш ты ў гербе рабочым,
крылатым
Сімвал свабоды для цэлага свету.
1973 г.