Ветры буйны загулялі —
Іскры нашы заблішчалі,
Штораз болей разжыгалісь,
Красным светам распалялісь.
Яшчэ вецер падыхае —
Ў іскры полымца шыбае
Вогненнымі язычкамі,
Розных кветаў аганькамі.
У кастры ахаладалым
І быллём ўжо зарасталым
Язычкі замігаталі,
Па паленнях заскакалі
І ў пуначкі збягаюць —
Свет навокал раскідаюць,
Хутка вецер зноў зайграе —
Увесь касцёр запылае,
Свет над намі засіяе,
Шчасце ў хату завітае!
23.11.1910 г.