Максім Багдановіч

«Маладыя гады...»

Маладыя гады,

Маладыя жаданні!

Ні жуды, ні нуды,

Толькі шчасьце каханьня!

 

Помніш толькі красу,

Мілы тварык дзявочы,

Залатую касу,

Сіняватыя вочы!

 

Цёмны сад-вінаград,

Цьвет бяленькі вішнёвы, —

І агністы пагляд,

І гарачыя словы!

 

Будзь жа, век малады,

Поўны сьветлымі днямі!

Пралятайце, гады,

Залатымі агнямі!

 




Крыніца: http://vershy.ru/

Беларуская Палічка: http://knihi.com