Максім Багдановіч

Песьняру

Ведай, брат малады, што ў грудзях у людзей

Сэрцы цьвёрдыя, быццам з каменьня.

Разаб’ецца аб іх слабы верш заўсягды,

Не збудзіўшы сьвятога сумленьня.

 

Трэба з сталі каваць, гартаваць гібкі верш,

Абрабіць яго трэба зь цярпеньнем.

Як ударыш ты ім, – ён, як звон, зазьвініць,

Брызнуць іскры з халодных каменьнеў.

 




Крыніца: http://rv-blr.com/vershu/view/346

Беларуская Палічка: http://knihi.com