epub
 
падключыць
слоўнікі

Мікалай Някрасаў

Нязжатыя гоні

З рускай — М. Някрасава

 

Позная восень. Буслы адляцелі,

Лес абгаліўся, палі апусцелі,

Толькі нязжатыя гоні адны,

Смутную думку наводзяць яны.

 

Шэпча, здаецца, там з коласам колас:

Нудна нам слухаці восені голас.

Нудна хіліцца да самай зямлі,

Спелае зерне купаць у раллі.

 

Кожную ночку ў нас толькі начуюць

Дзікія птушкі і злосна руйнуюць,

Заяц нас топча, віхура нас б’е...

Дзе ж гэта сейбіт? Чаму жаць не йдзе?

 

Вецер даносіць адказ неўпапад:

Вашаму сейбіту моцы не хват!

[1911-1912?]


[1911-1912]?

Пераклад: Янка Купала
Тэкст падаецца паводле выдання: Поўны збор твораў. У 9 т. - Т. 3. Вершы, пераклады 1911-1914. - Мн.: Маст. літ., 1997. -342 с. [4] л. іл.
Крыніца: скан