Пятрусь Броўка

Будзем сеяць, беларусы!

Хутка вызваляцца гонi

З-пад уцiску, з-пад прымусу,

Будзем сеяць, беларусы,

На ўсход сонца чыстым зернем…

Смерць на захад мы павернем!

 

Мы вясну сваю спаткаем, —

Дождж праменны зацярусiць…

Будзем сеяць, беларусы!

Прыйдзе рунь да нас з расою,

А на захад — смерць з касою.

 

Зацвiтуць ля новай хаты

Зноўку яблынi i грушы.

Будзем сеяць, беларусы!

Закуваюць нам зязюлi,

Пахаваюць катаў кулi.

 

Стане поле каласiцца,

Ляжа шоўкавым абрусам,

Будзем сеяць, беларусы!

Закрасуе буйна збожжа.

Нас нiхто скарыць не зможа!

 




Крыніца: http://vershy.ru/content/budzem-seyats-belarusy

Беларуская Палічка: http://knihi.com