— Сынку, гуляй у сваім двары,
Не гойсай далёка ад дому:
Можаш патрапіць у рукі разбойніка...
— Ручай, не бяжы ў мора:
Там хвалі гвалтоўныя
Цябе закалышуць,
Загубяць...
— Не пакідай гнязда,
Птушанятка:
Паблізу драпежнік
Вострыць свае кіпцюры...
Хлопчык-гарэза
Бяжыць за ваколіцу,
Спрабуючы схапіць, як абруч,
Лінію далягляду.
По*дскакам ручаёк
З крыніцы ўцякае —
Спяшаецца далучыцца
Да вялікай вады.
Птушанятка,
Узмахнуўшы крыльцамі,
Паляцела ў вырай,
З прагаю выдзеўбаць
Зоркі на небе.