Нечаканасць якая:
Адарвалася галава
Ад постаці,
Яна звысоку глядзіць
На ногі,
Якія заўжды на зямлі,
На рукі,
Што ў клопаце вечным,
На плечы,
Якія згінаюцца
Пад ношай турбот штодзённых..
Нечаканасць якая:
Адарвалася галава;
Цяпер яна сама па сабе...
Ногі,
Рукі
І плечы
Набылі незалежнасць
Ад галавы...
Ногі
Гудуць ад футбольнага пала,
Б'юць каму папала; {тіапала;
Рукі,
Сціскаючыся ў кулакі.
Дораць баксёрскія сінякі,—
Бяруць на сябе
Плечы
Цяжар нечалавечы,
Адтуль,
Дзе рукі не жнуць і не косяць,
Выносяць, выносяць, выносяць...
І хтосьці ўжо бухае ў звон трывогі —
Хіба не чуеце вы? —
Плечы, рукі і ногі
Набылі незалежнасць ад галавы!..
Усе ў разгубленасці нямеюць.
Тут бы
Прыдумаць нешта, дарэчы,
Толькі думаць не ўмеюць
Ногі,
Рукі
І плечы.
* * *