Перасалілі, перасалілі:
Нясцерпна паліць! Відаць, замнога
Рукой таропкай перасялілі
З сальнічкі ў страву агню зямнога.
І смагу зараз не змыць, не сцерці:
З пустэчы вокліч лунае вечны,
Нібы ў вантробах расклалі чэрці
Касцёр пякельны сярэднявечны.
Перапаўненне прыносіць страты.
Стукоча часта, стукоча рэдка
Аб рэбры сэрца, нібы аб краты.
Турмою стала грудная клетка.