Сучасныя імперыялісты — піраты
дваццатага веку не грэбуюць ніякімі
сродкамі ў дасягненні сваіх мэт.
З газет
Піруюць піраты. Ракою віно.
А ўчора яшчэ пасцілі.
Піруюць піраты: сёння на дно
Яны карабель пусцілі.
Ад іх ратунку няма нідзе.
Накінуцца апантана
На судна, што ў моры адкрытым ідзе,
Бяруць за каўнер капітана.
— Куды ты гоніш на поўных парах? {парах?
Цісні хутчэй на тормаз!
І пасажыраў трасе страх
Дзевяцібальным штормам.
Паставяць да сценкі: мяняй курс!
За гэта жыццё даруем.
А будзеш упарціцца — да акул
Мігам камандзіруем...
І чутка знаходзіць ужо адрасы:
Піраты пажар тушаць.
Ну, а цвярозыя галасы
Свістам шалёным заглушаць.
А час забыцця карункі тчэ
І захінае страты.
Хвала дзівакам, што вераць яшчэ
У дабрадзейства піратаў...
Яны зачахляць нажы да пары
(Піраты заўжды пры сіле),
А самі крычаць ва ўсе рупары,
Што іх пасажыры прасілі.
* * *