Радасці,
Нібыта радугі,
Хочацца кожнаму з нас.
Не той, што ў вясёлым градусе
Нехта знаходзіць падчас.
Хочацца радасці рознай —
Ад водару кветкі роснай,
Ад бохана свежага хлеба,
Ад сонца, што на паўнеба...
Стомленай радасці волата —
Ад частых і гучных сустрэч
Кавадла і цяжкага молата,
Што родзяць нарог і меч.
Радасці ад спаткання
Маёй і тваёй рукі,
Якое ў нябыт не кане,
Якое паўтораць вякі...
Радасці той, што не месціцца
Ў цесных цяснінах кватэр
І далятае да Месяца
Праз абцугі атмасфер!