Новы час завітаў на прасторы краіны,
Каб дарогаю быць для вялікіх падзей,
Каб у ім кожны крок, подых кожнай часіны
Быў даспелай красою ў задумах людзей.
Мы у працы мацуем сваю перамогу,
Каб вялікіх здзяйсненняў ярчэла зара.
Для узлёту душы нам адкрыты дарогі,
Для вялікай работы настала пара.
Не стамляйся ў паходзе, маё пакаленне,
Хай натхняе цябе кліч свабоднай зямлі,
Кліч сусветны і вечны, што выгукнуў Ленін,
Каб у цемры й няволі нідзе не жылі!