Латышскія стралкі стаялі на пастах,
Закамянелыя, як з мармуру скульптуры,—
Па ўсёй Расіі люта палымнелі буры
І заравам у небе калыхалі сцяг.
Той слаўны эшалон... ён непрыкметна стаў
Між эшалонаў іншых, шэра-бурых,
З вінтоўкамі на тамбурах панурых
Латышскія стралкі застылі на пастах.
Яны учора йшлі ў калонах штурмавых
Супроць Юдзеніча ў нястрымным наступленні,
І кожны з іх — нязломны, баявы —
Сягоння стаў на варце ў захапленні,
Што будзе жыць народа рулявы...—
Ў тым поездзе ў Маскву спяшаўся Ленін...