Ты, партыя, для ўсіх маяк,
Высокі, горды і агністы,
Яго не засланіць ніяк
Шалёным штормам, дням імглістым,
Ні бурам восені імжыстай,
Ні хмарам — чорным груганам,
Бо ты — маяк, ты свеціш нам!
Ты асвятліла даль вякоў,
Ты азарыла шыр зямную —
Ты там, дзе шолах каласоў,
Дзе плынь жыцця заўжды віруе,
Дзе ў звоне молата гартуем
Свабоду, шчасце, дружбу, мір.
Ты, партыя,— наш правадыр!
Працоўны свет заўсёды рад
Напіцца з ленінскай крыніцы:
Дзе Ленінград, дзе Валгаград,
Дзе светлы шум Масквы-сталіцы —
Святло вялікае бруіцца
І палымнее над зямлёй
Зямной нязгаснаю красой.