Асцярожна ідзі, чалавек,
І схілі галаву ў цішы змроку,
Глянь на думу закрытых павек
І глядзі, не спускай свайго зроку.
Ты пачуеш: ідуць праз вякі...
Ўсё ідуць і ідуць пакаленні,
Ўюць сардэчнай любові вянкі...
Гэта ж спіць... неўміручы спіць Ленін...
Ленін спіць... Ён жывы... Ленін вечны!
Бо за ім расквітнеліся далі,
Ў прах затоптан прыгнёт чалавечы,
І на варце мы, мужныя, сталі.
Асцярожна ідзі, чалавек...
Хай у цішы хвіліны замлеюць
Пры святле ад заснуўшых павек,
Што дрыжыць на сцяне Маўзалея.