Мы — племя шумнае,
Адважна-бурнае,
Мы — партызанскія сцягі.
Ідзём мы лаваю
З народнай славаю
За край наш родны, дарагі.
Мы б’ём з прыцэлу
Знішчальна, смела
Па бандах дзікае арды.
Нямчуры подлай і нягоднай
Ад нас не скрыцца нікуды!
Кат топча нівы,
Наш дар шчаслівы,
У пажарах топіць наш народ.
У родным краі
Усё знішчае,
Што мы расцілі з году ў год.
За мукі родныя,
За стогны слёзныя,
За смерць дзяцей, жанок, бацькоў
Мы помсцім страшна,
Мы помсцім страсна —
Смерць за смерць і кроў за кроў!