Райніса струны, пявучыя струны
Сказ аб нядолі народнай вялі,—
Шляхам шырокім у свет мнагадумны
Заклікі ў сэрцы людскія плылі.
Струны звінелі з узгоркаў латгальскіх,
З глухіх пералескаў, блакітных азёр,
Сэрцы жывілі чароўнаю казкай,
Шлях пракладалі да сонца, да зор.
Райніса струны, грымучыя струны
Волатным рэхам будзілі ў глушы...
Разам з Купалам той голас садружны
Дораг і міл нашай братняй душы!