Ад Дзвіны да Прыпяці —
бела, бела,
Ад Дняпра да Нёмана —
снег і снег.
Свята сінім полазам
зранку зарыпела,
Тысячы аўтобусаў
пачалі свой бег.
Добры дзень, суседзі!
Будзем век сябрамі.
Добры дзень, суседкі!
Светлая зіма...
Нас усіх радзіма
у сям’ю сабрала,
Нават тых, адважных,
каго ўжо няма.
Брацкія імёны
злічыць не бяруся:
Кожная рэспубліка —
у сваёй красе.
А на абелісках
нашай Беларусі,
На суровых помніках
знойдзеш іх усе.
Вам паклон сардэчны,
воіны-паплечнікі,
З кім зямлю я родную
разам бараніў.
Слаўлю службу верную,
Слаўлю дружбу вечную!
Нарадзіў Кастрычнік нас,
снежань парадніў.
1972