Ты пытаешся, пра што птушкі гавораць? - Дрозд, канаплянка,
Ластаўка, голуб кажуць «кахаю» ўжо з ранку.
Зімою маўчаць, бо вецер так дзьме і сярдуе,
Што словы іх - ну, ніхто, аніхто не пачуе.
Цяпло пасылае ўзгоркам пралескі, лісточкі - бярозам.
Смяюцца, кахаюць - на злосць сакавіцкім марозам.
«Кахаю, кахаю», вы чуеце - птушкі спяваюць.
Ад сонца да зорак, нават калі засынаюць.
Жаўрук, з вясялосці тае і кахання,
Ў нябёсах над полем спявае ад рання да рання.
Спявае, спявае, ўвесь час ён спявае,
«Кахаеш мяне ты? - Бязмерна кахаю!»
Спявае жаўрук, ажно змоўкла ўсё, ціха,
Бо моцна кахае яго жаўручыха.